Loðnan okkar fer í öryggisráðið.

 

Sigurður Þórðarson skrifar: Föstudagur, 29. febrúar 2008.

Gott að fá þessa milljarða í vasann en þeir stoppa stutt við

 

Það eru góðar fréttir sem berast af loðnumiðunum, loðnan er í þéttum torfum feit og falleg.  Margir líta á loðnuna sem fundið fé fyrir þjóðarbúið, því  sjófuglar  hafa ekki enn glatað hæfileikum til að finna hana þrátt fyrir  nýjustu tækni og vísindi.   Almenningur vonar að  hluti af þessu peningum verði notaðir til að mæta yfirvofandi lánsfjárkreppu  og vaxandi viðskiptahalla .  Ríkisstjórnin er ekki á sama máli .  Þeim finnst að vísu gott að fá þessa milljarða í vasann en þeir eiga að stoppa stutt við.

 

 

 

 Við þessar fréttir hefur utanríkisráðuneytinu hlaupið kapp í kinn og Kristín Árnadóttir sem stýrir þessu mikilvæga verkefni segir að nú sé rífandi gangur. Núna er búið að eyða 1000 milljónum og verið er að vinna markvisst um allan heim, ekki síst í New York þar sem Ingibjörg Sólrún og Geir Haarde voru nýlega,

 

 Ekki er pláss fyrir alla afdankaða pólitíkusa í sendiráðum eða seðlabanka. Því horfa margir hýru auga til öryggisráðsins.